影片
更多
2021-04-17
230 瀏覽
係好耐之前已經見到深水埗開左間好令好日系既Cafe 無論係店舖入面同外面既裝修 店舖入面既食物同甜品都好日系 好岩晒影相打卡 真係好想去試一次 之前去過一次 但前面有成5張枱以上要等 起碼要等兩個鐘以上 同埋入面真係得幾張枱 所以等既時間真係比較長 所以個次就放棄左隔左一排 朋友又話想食 想去搏一搏 睇下會唔會唔洗等太耐 睇下有冇機會會食到 我地平日星期五晏晝大約2點半去到 店員話前面有3張等梗 大約要等1個鐘多啲 咁我地就留底電話 等佢地有位就打俾我地再返去 呢間Cafe都幾細心 知道等候既時間都比較長同埋等既人都比較多 店員會叫客人留低電話同名 等有位再call返客人返黎 等客人唔洗企係出面等太耐 可以係附近行下先再返黎我地大約等左一個鐘左右就收到電話 就慢慢行返過去 入面得4張枱 有兩張大少少既榻榻米枱 呢張枱岩晒影相打卡 夠大張燈光又令 另外仲有係一張長凳 前面會放張枱仔俾你 感覺上坐榻榻米個張會舒服啲 不過我地就冇乜所謂 反正食完就走 一坐低即刻睇Menu揀野食 Menu既選擇都唔算太多 不過一間細既Cafe差唔多啦 我地黎食都係想食佢地最出名個個十常吐司 咁就叫左一個 另外
隔左一排 朋友又話想食 想去搏一搏 睇下會唔會唔洗等太耐 睇下有冇機會會食到 我地平日星期五晏晝大約2點半去到 店員話前面有3張等梗 大約要等1個鐘多啲 咁我地就留底電話 等佢地有位就打俾我地再返去 呢間Cafe都幾細心 知道等候既時間都比較長同埋等既人都比較多 店員會叫客人留低電話同名 等有位再call返客人返黎 等客人唔洗企係出面等太耐 可以係附近行下先再返黎
我地大約等左一個鐘左右就收到電話 就慢慢行返過去 入面得4張枱 有兩張大少少既榻榻米枱 呢張枱岩晒影相打卡 夠大張燈光又令 另外仲有係一張長凳 前面會放張枱仔俾你 感覺上坐榻榻米個張會舒服啲 不過我地就冇乜所謂 反正食完就走
一坐低即刻睇Menu揀野食 Menu既選擇都唔算太多 不過一間細既Cafe差唔多啦 我地黎食都係想食佢地最出名個個十常吐司 咁就叫左一個 另外仲叫左個天使之鈴 飲品叫左一杯熱既玄米抹茶鮮奶 一杯係菠蘿熱情果梳打
等左十分鐘左右 飲品就到左了 熱既玄米抹茶鮮奶個拉花心心好令 飲落味道正正常常 佢地既抹茶係偏苦 個人就麻麻地 另外朋友叫既菠蘿熱情果梳打 呢杯絕對係岩晒打卡 朋友話幾好飲 唔會太甜 不過淨係飲到菠蘿味 唔係幾飲到熱情果既味
過左陣 天使之鈴都黎左 問左店員今日係有原味同焙茶 因為朋友唔太中意茶味 所以就穩陣啲揀左原味 同埋一直都未食過呢個甜品 完全係唔知咩黎 好想試下 呢個甜品個size係好細個 外面食落有少少硬身 入面係好香蛋味 味道唔錯
等左大約半個鐘 十常吐司終於都到喇 賣相好令 吐司上面有舊牛油 仲有啲生果伴碟 有香蕉 士多啤梨同提子 生果食落好新鮮 好鮮甜 另外仲會跟埋糖漿俾客人自己淋落去食 仲有個Cream俾客人點 如果唔想食太甜可以就咁點個Cream 吐司加個Cream幾好食 幾夾 講返個吐司 應該係玉子燒黎 食落係好鬆軟 好滑身 都幾好食既 不過個人就覺得冇乜特別
整體黎講 環境係好令 店員既服務好好 好滿意 但食物真係普普通通 岩晒中意打卡既女仔 價錢都合理 如果等位唔洗等太耐既話黎食一次都可以接受既 但要等成兩個鐘 個人就覺得唔太值得 所以一次就夠了
天使之鈴
$38
15 瀏覽
1 讚好
0 留言
十常吐司
$72
9 瀏覽
0 讚好
0 留言
張貼
