影片
更多
2021-06-11
616 瀏覽
本人係半個海南人，屋企以前係開食肆，出名海南雞飯。所以見親海南雞飯都忍呵唔住衝埋去試。見到哩間瓊媽媽專賣海南雞飯，又見 lunch咁多人排隊，一直都想試。雖然有一定數量食評話 D 雞無味同韌。諗住可能係個別事件，又諗住應該無咁好彩。今日through Openrice叫佢個無骨海南雞。返到公司打開個盒，ta-da~~全部都係雞胸，全部都係雞胸，全部都係雞胸！！原來加多幾蚊要無骨嘅意思就係比雞胸，因為雞胸就係天然無骨。都算。咬落去，食評的確無呃人，佢D海南雞嘅優點原來唔止雞胸部份天然地無骨，仲係肉質堅韌無比同無雞味。牙力少D都食佢唔到！嗱，哩D就叫真正走地雞，肯定日日都跑8000米馬拉松先做到咁堅韌嘅質感。勁！加$2要油飯。正統海南雞梗係跟雞油飯㗎啦。我無預佢係真係用蒸雞滴落嚟D雞油煮，但都無諗住係一個味精飯。唯一贊佢有落椰汁。湯，係全個餐最對路嘅。幾好味又無味精。結論：大把地方海南雞飯好過佢，唔係舖頭名加個“瓊”字就係正宗or正常海南雞飯。建議不如轉做賣湯，可能會好少少。繼續賣雞的話我就唔會幫襯第二次。你呢？
全部都係雞胸，全部都係雞胸，全部都係雞胸！！原來加多幾蚊要無骨嘅意思就係比雞胸，因為雞胸就係天然無骨。都算。咬落去，食評的確無呃人，佢D海南雞嘅優點原來唔止雞胸部份天然地無骨，仲係肉質堅韌無比同無雞味。牙力少D都食佢唔到！嗱，哩D就叫真正走地雞，肯定日日都跑8000米馬拉松先做到咁堅韌嘅質感。勁！
加$2要油飯。正統海南雞梗係跟雞油飯㗎啦。我無預佢係真係用蒸雞滴落嚟D雞油煮，但都無諗住係一個味精飯。唯一贊佢有落椰汁。
湯，係全個餐最對路嘅。幾好味又無味精。
結論：大把地方海南雞飯好過佢，唔係舖頭名加個“瓊”字就係正宗or正常海南雞飯。建議不如轉做賣湯，可能會好少少。繼續賣雞的話我就唔會幫襯第二次。你呢？
張貼