紅茶

營業中

休息中

早餐時段見門外不算多人排隊，加上入得都算幾快，只排了大約10分鐘，排隊期間見隔住玻璃有位女士食剩好多，成碟通粉好似未食過咁，都諗係咪唔好食呢🤔 叫了一份沙爹牛肉麵跟炒蛋丹麥酥、凍檸茶少甜少冰。首先嚟到係凍檸茶，明明叫了少甜少冰，但冰一啲都唔少，於是叫職員俾隻杯我裝冰，隔咗冰之後杯檸檬茶只淨返半杯，檸檬茶茶味淡，而且係勁甜，只係一杯沒有茶味嘅檸檬糖水，即時同職員反映，不過職員係聽完就走左，一句都冇回應過，至於食物，炒蛋一般，滑嘅但蛋味唔濃，丹麥酥牛油足，沙爹牛肉麵嘅沙爹味唔濃，屬普通茶記水準，梳打粉太多令到牛肉肉質過鬆，而且冇牛肉味，食過就明白剛才位女士為何食剩咁多。最後提醒各位，呢間餐廳只收現金。餐廳嘅職員比一般餐廳多，服務速度好快，但禮貌不足。