牛涮鍋 (已結業)

約左媽媽細妹去葵蘋食午餐，係這裡同一層有和民，牛角，同埋牛涮鍋，當然下午時間一定要等位，所以同一時間都去晒三間攞籌等枱。。。等左30分鐘上下，牛涮鍋就有枱先給我們。係門口果位接待姐姐會先問我哋選擇邊款套餐及湯底，我們選擇左90分鐘任食牛肉加豚肉套餐，而湯底就選了清湯。。。。入到後，待應好快攞個湯過來，嘩。。。清湯底。。真係好清，同清水冇分別。。。之後佢就攞左一大碟牛肉加豚肉過來，而我同細妹就出去攞其他食物，食品款式有：腸仔，芝士丸，獅子狗丸，金菇菜，娃娃菜，唐生菜，烏冬，蕎麥麵，粟米，年糕等等。。。款式其實吾算很多，但到這裡，當然係想食牛涮鍋，可能我們叫的只是進口牛肉，所以感覺同普通牛肉沒有分別，而且個湯底太清，令到整體都好似好淡味。。。最特別之處，係有雪糕任食，而且有好多配料，我非相最好味都是這個了。至於服務方面，可以話一般，個個都係木口木面的，而且吾會主動添加肉類，總是要自己ORDER才會慢條斯理才攞一碟出來，心諗，90分鐘，你攞得幾多碟出來。。雖然我吾係大食一族。。。總括來說，係這裡係想試下Shabu Shabu味道，但感覺同普通打邊爐無分別，所以試過就算，不值得再去。。。