Sodam Chicken (已結業)

心思思想食炸雞放題很久了，沒有什麼原因，只是經常喺社交平台見到人哋食，都好想挑戰下自己。$108+$30 ，要加一，不包飲品。限時75分鐘，但最後30分鐘不可以落單，用QR code點菜，app 內有時間倒數，點完第一次食咗一陣就發覺只剩30幾分鐘下單時間，但每隔5分鐘才可以點菜一次，食淨要罰錢$10 件雞，唔敢叫得多，全程大約order到三至四次，因為食嘢冇可能一直留意住時間。咁樣食嘢好唔自在，最尾嗰30分鐘不可點菜即係食啲已經凍哂嘅雞，凍咗就會好鞋。講返食物質素，啲炸雞係新鮮炸，夠熱，唔算嫩滑，少少鞋，每隻炸雞面頭嗰啲汁唔同味，最好食就係鹹蛋黃，其餘嗰啲都唔係幾啱口味，多數都好甜。前菜沙律嗰啲質素麻麻地，感覺係放咗好耐咁樣，酸蘿蔔乾爭爭。Pizza 冇試，因為考慮食邊款嘅時候發覺已經過咗下單時間。服務：服務好的。全場只有我一枱客，有幾個店員。直到埋單嘅時候已經係六點幾，都沒有客人上來。沒有在韓國食炸雞果種熱鬧嘅氛圍。埋單$300/2人， 性價比唔高，又唔算好食，又冷清清，應該唔會再嚟。