願榮光咖啡館 (已結業)

見到連豬就同朋友黎食下，特登早一日book位， 點知到左佢比高枱我地兩個，問下佢入面仲有冇普通枱， 佢就話無位，咁就算啦，可能無預留位。 之後有客人走都無話我地可以轉位。 然後到上餐時間，如果你地係肚餓既，千祈唔好入黎食，因為我地等左45 mins 兩份餐先黎，中途已經問過侍應，佢地話整緊，但又講唔到幾耐到。 之後終於上菜，有一個麵仲要黎錯左，叫蕎麥麵黎埋梅子麵， 我地都由得佢，因為實在等得太耐， 一换又再等。 到最後， 我地一食完一陣， 侍應就同我地講， 你地用餐時間到，好多人等緊，叫我地埋單。。。 我想同佢講，我等你個麵都等左45 mins, 點解你唔早d出， 我就可以早d走唔阻你下一枱。 講返味道， d野大多數冷盤為主， 只有外觀討好，味道普通， 雞肉同牛柳粒微暖。可一不可再， 一次就夠，最令我卻步係服務態度極不友善。