球哥燉湯

營業中

休息中

我係一個孕婦，之前去過呢間餐廳幾次，但係今日呢次真係令我好唔開心。原本職員A(一位身形略胖嘅大嬸）安排我坐一張四人枱，但係因為嗰個位頭頂對正冷氣機，咁啱後面張四人枱有人走咗，我就問職員B可唔可以換位，職員B話可以。到職員A同我落單時發現我轉咗枱，我表示因為原本個位好大風，佢話呢度係俾兩個人坐，要我坐去角lok頭對住bong牆嘅一個位。我已經成九個月多d，個肚成個籮咁大，坐嗰個位對我嚟講真係好迫，同枱嘅女顧客亦都幫我話我會坐得好辛苦，但係職員A仍堅持要我坐過去。我唯有話「咁我唔食喇」。賺錢做生意固然係餐廳好緊要嘅目標，但係如果可以做到令顧客感受到餐廳係有照顧佢嘅感受，客人自然就會想再幫襯。須知道一個大肚返工媽媽晏晝出街食飯想搵d健康嘅餐廳其實唔係咁容易，原本搵到球哥呢一間都覺得幾好，仲介紹俾朋友，但係經歷過今日之後，我以後都唔會想再嚟，相信呢間覺得我呢個大肚婆咁阻「訂」、阻住佢做生意嘅餐廳亦都根本唔想我再嚟。