影片
更多
2021-10-24
682 瀏覽
地址：太古太古城太豐路3號金星閣G1018號舖推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：8⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：6⭐️今次介紹呢間，係太古城入面住宅區嘅拉麵舖，以前曾經行過兩三次，但咁岩都撞正晏晝食飯時間排晒長龍，因為佢舖頭面積唔係好大，咁啱今日早咗過去，試吓去睇吓，又可能因為都開咗好一段時間，所以去到都冇乜人，亦唔使排隊。入面舖頭都比較細，最多可以我諗坐10-20人左右。入到去都係喺門口量體溫，同埋寫紙仔。比較特別嘅係留意到佢有三把坐地嘅風扇😅，但就冇開嘅只係放咗喺度，唔知係咪因為之前試過冇冷氣呢？不過佢嘅環境都好有日本居酒屋拉麵店嘅feel幾好。講返食物先，有幾款唔同嘅拉麵，小食就唔算好多款五六樣左右啦。拉麵都係正常價位$70至$90左右一碗。而今次叫咗我最鍾意嘅沾麵，同埋比較特別嘅混麵（第一次聽，原來係撈麵咁解）都幾特別。炸魷魚 （$38）枱頭有介紹兩款特別小食，係炸魷魚鬚同埋日本支豆，我哋就揀咗炸魷魚。但佢喺個麵面未嚟嘅時候，就嚟咗個炸物俾我先，心諗會唔會係炸定即刻
地址：太古太古城太豐路3號金星閣G1018號舖
推薦度（10👍🏻滿）：7👍🏻
滴汗度（10😅滿）：不適用
衞生（10⭐️滿）：7⭐️
環境（10⭐️滿）：8⭐️
味道（10⭐️滿）：7⭐️
價錢（10⭐️滿）：7⭐️
服務（10⭐️滿）：7⭐️
地點（10⭐️滿）：6⭐️
今次介紹呢間，係太古城入面住宅區嘅拉麵舖，以前曾經行過兩三次，但咁岩都撞正晏晝食飯時間排晒長龍，因為佢舖頭面積唔係好大，咁啱今日早咗過去，試吓去睇吓，又可能因為都開咗好一段時間，所以去到都冇乜人，亦唔使排隊。
入面舖頭都比較細，最多可以我諗坐10-20人左右。入到去都係喺門口量體溫，同埋寫紙仔。比較特別嘅係留意到佢有三把坐地嘅風扇😅，但就冇開嘅只係放咗喺度，唔知係咪因為之前試過冇冷氣呢？不過佢嘅環境都好有日本居酒屋拉麵店嘅feel幾好。
講返食物先，有幾款唔同嘅拉麵，小食就唔算好多款五六樣左右啦。
拉麵都係正常價位$70至$90左右一碗。
而今次叫咗我最鍾意嘅沾麵，同埋比較特別嘅混麵（第一次聽，原來係撈麵咁解）都幾特別。
炸魷魚 （$38）
枱頭有介紹兩款特別小食，係炸魷魚鬚同埋日本支豆，我哋就揀咗炸魷魚。
但佢喺個麵面未嚟嘅時候，就嚟咗個炸物俾我先，心諗會唔會係炸定即刻俾我呢？
但竟然，有驚喜，佢係炸得唔錯嘅魷魚鬚，夠趣口又夠味，仲要係好似即叫即炸添。
黑蒜油沾麵 （$82）+味蛋 （$12）
黑醬油拉麵幅圖入面湯係比較黑色，但嚟到之後，似係將原味嗰隻滴左幾滴黑色嘅蒜油落去，同想像中有少少落差，而且蒜香味唔算話係好濃，更加似原味，佢嘅醬汁唔係傑身話掛湯嗰種，不過都好夠味。
佢有夠食麵嘅三部曲，最後我都有問店員加少少木魚湯，試下飲咗兩啖，不過加左湯都比較濃味，之後就冇飲埋落去啦。
咖喱混麵 （$78）
混面呢樣嘢，真係有驚喜，之前從來未試過。佢係龍龍片濃濃嘅醬汁撈拉麵上邊有一隻生蛋，咖喱味好濃，而且因為有蛋漿所以撈完之後唔會話好乾好滑身。呢隻咖喱汁係帶辣嘅，四入口嘅時候有好香嘅咖喱味，但係個後勁亦都好凌厲，對於唔係好食辣嘅我都好刺激，但係又非常惹味。
注：雖然唔知佢有冇味精，但食完之後個口比較乾，好想飲水或者有氣野飲。但總括而言，佢個麵都係好味嘅。
張貼
