八番麵工房 Deluxe (已結業)

白菜芽菜拉麵，清淡飲食之最。雖然叫野菜拉麵，都唔洗成兜都係芽菜白菜掛？個湯頭完全飲唔到豬骨味，成碗嘢俾d菜搞到淡某某，產品定價係豬軟骨貴過叉燒九唔搭八，唔知邊樣主打，原來樣樣伏，炸雞球睇得出即炸，上到檯成張吸油紙浸曬油，咬落又係成口油…成餐飯唯一可取係服務姐姐服務好，不斷加水，有禮貌，抹枱。食物質素，餐具真係完全睇唔出老闆有思考過顧客的體驗，個對不知所謂的筷子湯羹，嚴重懷疑拉麵係冇試過自己餐廳d嘢食。作為消費者俾咁的價錢食有呢種不愉快的體驗真係覺得翻屋企6個公仔麵好過。