台灣小食 (已結業)

最近對仙草，芋丸很有怨念，除咗上網買一啲冰鮮芋丸（但由於送貨需時，需要等到幾天才有），今日放工之後忍唔住，搭的士衝落去旺角食呢碗，暖笠笠，份量十足嘅仙草芋丸。其實呢間鋪除咗芋圓之外，仲有其他嘅台灣小食，包括胡椒餅滷蛋炸物等等。由於今日志不在此我淨係叫咗一碗芋圓仙草熱食。今日嘅天氣凍冰冰得九度，落住微微細雨鋪頭冇乜人，等左三，四分鐘到就已經有得食，主角芋丸煙煙韌韌真係不枉我搭的士衝過嚟，有餡嘅芋丸比較有質感有咬口，餡料偏甜，而燒仙草既汁亦都偏甜，不過熱食既仙草我都係第一次試，凍冰冰嘅天氣食一碗熱糖水個人當堂無咁凍。其實份量都好多，你唔好睇芋丸得個三粒有餡，七粒冇餡其實好頂肚。今日除左買甜品即場食，仲買左一份生芋丸外賣，都係45蚊，有50粒，可以慢慢在家享用啦