冧廚 (已結業)

因為屋企人喺附近返工，黎意到呢度晚餐時段有一個驚喜，就係可以一次過滿足三個願望。呢度一個價錢可以兩小時內任食雞煲，火鍋同韓燒，加埋一都唔使$200，絕對係屯門牛街坊價，所以特地過嚟試下，雖然係工業區，但對出就有輕鐵站同巴士站，一啲都唔隔攝。我哋最先食雞煲，等上菜前試左人蔘雞湯同小食，都唔差，夠足料。雞煲夠惹味，當差不多食完時有啲後悔，因為已經有七成飽。 跟住就加湯打邊爐，食咗咁多肉，當然係食番啲菜啦，所以主力都係食蔬菜類！其實食埋菜已經好飽，但點都要體驗下韓燒😂，所以跟住都係燒蔬菜😂，同加兩條多春魚🤣。。。夠哂健康！食飽，想埋單走㗎啦！但阿哥仔叫我哋咪走住，話出豆腐花，所以我哋食多碗豆腐花先走，好滑喎，同山水豆腐花有得揮！