千賀水產の鮮鍋道場 (已結業)

餐廳雖然位於銅鑼灣嘅酒店內，但價錢卻相當親民。自助餐加上火鍋放題，絕對能夠滿足大家嘅食慾。餐廳首先會提供一份刺身、海鮮盛合同埋安格斯牛小排，之後其他火鍋配料都係任叫任拎。象拔蚌五品刺身盛旬之海鮮盛合極尚安格斯牛小排餐牌入面提供左多款火鍋配料可以無限追加，例如有美國穀飼黑豚肉片、農場鮮雞件、墨魚滑、魚皮餃、鮮海蜆等等。除此之外，外面都有多款火鍋配料選擇，例如有各式各樣嘅蔬菜同埋菇菌類。亦都有多款不同嘅丸類同埋豆類配料。之後就到自助餐部份，大致有熱盤、天婦羅、炸物、壽司、冷盤、甜品同飲品等。熱盤嘅種類豐富，除咗有眼前所見嘅豬頸肉同炸蝦愛仲會蒸河鮮、炒菜等等。各式天婦羅同炸物壽司同日式凍食沙律同各類冷盤最後當然唔少得甜品，除咗有冰糖燕窩同木瓜燉雪耳，仲有多款唔同口味嘅雪糕、雪條同雪米糍。雪條亦不乏有東南亞口味嘅雪條，例如榴槤味同黑糯米味。