校長燒肉日韓料理 (沙咀道) (已結業)

荃灣校長燒肉日韓料理，一次過滿足晒你幾個願望😝好多年冇食放題，原來宜家啲放題咁多元化，唔止有刺身、韓燒，仲可以打邊爐。打邊爐湯底選擇多，火鍋配勁多，有魚蛋、香腸、芝士丸、墨魚丸！多到食唔晒😆蔬菜類都有好多🥬仲有通粉、烏冬、麵底選擇添！再自調醬料！熟食方面仲有蒸點心同燉湯，飲品方面有勁多選擇，飲品櫃有有多款紙包飲品、果汁、汽水等，仲有梅酒🍸清酒🥃啤酒🍻，如果唔想飲凍飲，仲可以親手泡製各式花茶飲，非常養生。甜品櫃都非常吸睛，有多款布丁🍮啫喱選擇添😍啱晒約大班朋友一齊嚟食！