喜亭軒 (已結業)

今日嚟到旺角，朋友介紹依間任食火鍋，唔單止有好多嘢食，有雞煲，刺身，海鮮，雪糕，韓國雪條，自製飲品，仲有小食，例如鹽酥雞，豬耳，雲耳，真係講都講唔晒有咁多嘢食啊！自己最欣賞嘅，就係佢食完個雞煲，會轉一個韓式燒烤tray俾你，隔籬又可以打邊爐，肉類有兩種食法，又可以燒烤，又可以打邊爐，真係滿足晒所有願望呀！邊有間餐廳可以咁好㗎 ！ ！ ！佢仲有sauce吧，有燒烤醬，同埋打邊爐配料，應有盡有。我自己最鍾意，就係最後嗰輪，叫咗烏冬，真係日本稻庭烏冬啊！為完美嘅一餐畫上句號我想highlight一下，佢嘅雪糕牌子係movenpick ,仲有特別味道，自己叫咗cream burlee. 好好食喎！兩個人除返都係三百幾蚊一個，喺出邊邊度搵到咁平呀！物超所值！性價比高！