Tom Bar & Grill

營業中

休息中

星期五放早，同男朋友揸車泥度科學園睇下海拍下拖，順便食個海景晚餐。我同男朋友的口味有少少唔同，我中意食grill同西餐，佢中意食亞洲菜。難得呢間 Tom Bar 有齊西餐同亞洲菜，我地可以叫番自己中意食嘅野唔洗爭。我叫左燒牛仔柳配紅酒汁。我中意食Medium嘅牛扒，佢地都燒到我中意的熟度，肉夠嫩，表面煎得幾香，食得出有用牛油增加香味。略嫌紅酒汁唔夠，不過牛仔柳本身都夠味。驚喜位係薯條，估唔到都幾有心思。本身以為係就咁炸薯條，但佢地加左蕃茄莎莎、巴馬臣芝士、香草同沙律醬，我仲會點少少紅酒汁，薯條吸晒所有肉汁同精華，超好食！我係度鋸扒之際，另一邊廂我男朋友係我對面剝椒鹽瀨尿蝦，個畫面好好笑 。不過碟瀨尿蝦都真係幾香，始終炸蒜點都有佢嘅魅力。雖然個人好懶剝殻，都忍唔住剝左兩隻瀨尿蝦泥食。椒鹽味好到位，蝦肉好新鮮，食左少少殻，好脆口同惹味。值得推介。我地仲叫埋西芹炒雞丁，有點眼闊肚窄不過份量唔算多。我超中意食西芹，佢地都炒得幾爽口。不過略嫌茨汁有點咸，同埋雞肉唔多。