鋒哥廚房

營業中

休息中

一大班朋友👫食飯，有人鍾意烤魚，有人鍾意雞煲，有人鍾意打邊爐，咁點算好😹呢間餐廳可以一次過滿足你呢3個願望😆當日我地5點到達餐廳，早鳥折後加一每人$302。成餐飯都好忙下😹，因為2個鐘要食3個煲。第一煲係烤魚，我地叫左蕃茄口味，炸魚上面放左勁多芫荽🌿😛，魚骨唔算多，底下仲有粉皮、蘿蔔等配菜。食完魚就到任添既雞煲啦，雞煲分大、中、小以及BB辣。我地叫左Bb辣，不過食到底既辣油都有點辣，雞件份量額多👍🏻終於到邊爐啦，我地選了皮蛋芫荽湯底，當日既海鮮自助區有蟹、蝦、鮑魚、硯、魚🐟等，有某D蟹肉係有膏架！除左海鮮，都有菜、丸等選擇，亦都可以同店員order牛&豬。3個煲要等滾起都要D時間🤣，等緊既時候我地就食熟食，熟食既選擇唔多，當日有蒜蓉燒扇貝&蠔、避風塘炒蟹。同埋我地等滾起既時間都有食下雪糕先，見到有movenpick當然要食啦😆飲品方面，呢度岩曬一班酒鬼朋友，因為啤酒🍻選擇多，可以自己攞冰杯任斟；如果唔飲酒既話，都有罐裝茶、可樂等選擇。