漁品酸菜魚火鍋放題 (已結業)

呢2日突然好想食太二酸菜魚，不過而家疫情，有排都返唔到大陸。諗住近近地睇下附近有冇酸菜魚。點知俾我發現大圍新開咗一間漁品酸菜魚火鍋放題，中午及非正價時段價錢仲要$199，星期一至四仲要免加一。今日12點鬆D到，佢竟然同我講無限時，可以食到7點🤣 嘩，抵到爛呀。 正價時段7點半至9點半就貴D，$275加一一坐低就有一大盤熱水俾我地用黎洗碗筷有4款前菜，不定時更新，蝦多士真係好得，又香又脆又唔油膩，好好食。 另外三款就普通D，炸魚角，麻辣雞腳，麻辣筍跟住陸續有來，一盤刺身(不是任食)，好新鮮，仲要有生蠔，老公話生蠔幾好食再黎就係酸菜魚/水煮魚/火焰醬爆鑊仔雞 第一輪我地試左酸菜魚先。我地得兩條友，問佢可唔可以細盤D，因為想試其他，但佢話唔得喎😅照俾二人份量，一上枱嚇親，我心諗食完盤魚都飽。。。因為我仲想食水煮魚呢😑酸菜魚- 湯底幾清，夠酸夠辣，但當然唔夠太二酸菜魚咁惹味，但都唔錯既，配料仲有金菇薯粉魚腐等等，配料好入味，但只係食左少少，因為個肚就黎無位😂同一時間佢就上埋火鍋，湯底有兩款，胡椒豬肚湯底或菌香牛骨湯底，我地要左牛骨湯底，火鍋料接住上左一盤好新鮮嘅海鮮(不是任食)，有細細隻象拔蚌