餃餃餃子 (已結業)

餃餃餃子之五種盛合 $66話說星期六喺灣仔有嘢做，食飯時間就去咗利東街隔離嗰條街，然後見呢間餃子幾吸引就入咗去，同埋覺得餃子應該唔會中伏嘅😂同埋見佢蛋包飯同埋chaochao餃子個樣幾吸引，就入咗去食。點知，一打開個餐牌，我諗有一半嘅餃子都係sold out💩包括佢最招牌嗰隻chaochao餃子，蛋包飯都係平日先供應。即係其實，有一兩樣嘢係賣晒冇得供應超級正常，但係大佬呀，我睇到餃子個一頁，七樣餃子四樣都冇嘅，招牌餃子又冇🥲咁是但啦，嗰日我又肚餓，同埋諗住試多幾樣餃子，就叫咗盛合，雖然嗰五款餃子都唔係隻隻有，有啲轉左另外一款。五種餃子入邊有海老餃子，蒜香餃子，洋蔥餃子，九條蔥餃子，同埋應該係野菜餃子。五種入邊覺得海老餃子係最好食，有啲蝦同埋菜，其他嗰啲我都覺得超級普通，蒜香餃子又唔算特別出味，都係唔同菜同埋肉嘅配搭😅皮就正常，餡料亦都唔係特別多，食完我都唔夠飽，係我朋友都唔夠飽🤷🏿‍♀️覺得自己買啲急凍餃子返屋企自己煎應該都係差唔多，或者去附近八方雲集食餃子仲飽，又要平啲。然後佢仲有加一💩最後食完之後走咗去買蛋撻食先夠飽😂可能佢嘅招牌餃子會好食嘅，但係我應該都唔會再去食第二次。