牛奶冰室 (鯉景灣)

營業中

休息中

今日諗住小試牛刀去牛奶冰室食個lunch 。餐牌上面啲相就非常之吸引，咁我就叫咗一個蔥油叉燒飯加煎蛋喺面，一個咁嘅餐要$73，唔緊要，但係佢啲蔥油真係肉酸到不得了，同餐牌個樣完全唔成正比。叉燒食落都還算OK ，軟冧得來都係算係好食，不過佢呢隻叉燒就唔係我哋平時喺街嗰啲斬件叉燒。個飯就非常之硬，唔明點解佢要打滿壓實個飯😇煎蛋話係流心蛋，但係其實熟晒，同埋啲蛋漿流晒出嚟已經結埋晒，好似煮咗好耐凍晒咁嘅樣。講真，只可一不可再唔會再試，可能去啲早餐會好啲，食出前一丁或者公仔麵一定唔會出事。