影片
更多
2017-09-13
63 瀏覽
Weekend又係把酒談歡嘅好時間，難得同男朋友一齊放假，行完街就搵間餐廳happy hour。同事推薦呢一間西班牙店，話食物質素高之餘，環境情調又好。同男朋友都未試過一齊食西班牙野，今日就enjoy吓。朋友果然冇介紹錯，環境好chill，飲嘢傾計一流。我哋即刻叫咗一jar sangria 兩份飲。sangria係西班牙嘅傳統cocktail，好多香港酒吧都有。一般都係用紅酒、白蘭地、梳打、糖漿溝埋，加入水果同冰。水果方面，依一間餐廳係用青紅蘋果同埋橙，水果香甜，令紅酒嘅tannin感覺減低，容易入囗。平時少飲紅酒嘅男朋友都接受到，話天氣咁熱呢杯cocktail好好飲，酸酸甜甜又開胃。食物方面以tapas為主，價錢相宜， 最適合叫多幾款送酒。menu印咗係餐紙上邊，好方便客人邊飲邊食再追加。我地因為懶嘅關係，睇見想試就一口氣叫咗四款。Sizzling prawns with garlic and chilli，份量比想像中多，足足有八隻大蝦！蒜片係加左辣椒嘅橄欖油上炸過，蒜香味四溢。大蝦鮮甜肉質彈牙，配上醬汁惹味十足。Grilled quali鵪鶉真係未食過，望落去大細就好似四隻乳鴿髀
朋友果然冇介紹錯，環境好chill，飲嘢傾計一流。我哋即刻叫咗一jar sangria 兩份飲。
3 瀏覽
0 讚好
0 留言
4 瀏覽
0 讚好
0 留言
食物方面以tapas為主，價錢相宜， 最適合叫多幾款送酒。menu印咗係餐紙上邊，好方便客人邊飲邊食再追加。我地因為懶嘅關係，睇見想試就一口氣叫咗四款。
24 瀏覽
0 讚好
0 留言
Sizzling prawns with garlic and chilli，份量比想像中多，足足有八隻大蝦！蒜片係加左辣椒嘅橄欖油上炸過，蒜香味四溢。大蝦鮮甜肉質彈牙，配上醬汁惹味十足。
12 瀏覽
0 讚好
0 留言
Grilled quali鵪鶉真係未食過，望落去大細就好似四隻乳鴿髀。原來食落仲好味過乳鴿，肉質更加細嫩。
open kitchen 設計令我地見到外籍廚師做得幾仔細，grill到肉外脆內軟！配上Spanish romesco sauce-一個由紅椒，蒜蓉，杏仁，番茄煮成既醬，口感層次極豐富，必叫之選。
4 瀏覽
0 讚好
0 留言
Pork belly quince aioli 燒豬腩竟然做到中式燒腩仔既化皮！皮夠囇脆，肉鹹香油潤，配紅酒一流。值得一提既係quince aioli sauce非常特別，係一個帶甜不酸既mayo sauce,而且細滑如cream!一問之下，原來用水果、蒜，mayonnaise ,再慢慢加油打成！自家制sauce味道果然出色。
1 瀏覽
0 讚好
0 留言
Lamb skewers，羊肉用香草醃過，男友話帶南亞風味。肉剛剛8-9成熟，火喉準確，肉嫩不靭。parsley sauce為小菜畫龍點睛，去羶又增加清新感。
好多事情見微知著。我哋叫所有菜色嘅時候都冇分次序，跟住菜牌由羊叫起一直到seafood。但明顯地上菜嘅時候，味道已經安排好係由淡到濃。由鮮味為主嘅海蝦，一直到最濃口味既羊肉。好難得連食tapas都做到好似fine dinning 嘅感覺，加上食物出色，係度食嘢確係一種享受。
張貼
