聯發茶餐廳

營業中

休息中

落開九龍城，特登去搵《澳牛》第二代傳人主理嘅《聯發茶餐廳》試吓啦！環境裝修都“是正”，地方都好整潔！可能喺新開，唔多人認識，所以唔駛排隊，又唔駛等！正所謂“午餐即喺特餐，特餐即喺快餐，快餐即喺晚餐，晚餐同午餐一樣格”，其實都喺港式冰室，但出品真喺 keep 《澳牛》嘅水準！小弟就試吓《特餐》沙爹牛肉公仔麵，破例餐飲凍奶茶！果然真喺與眾不同，沙爹牛肉真喺張牙有口感，唔似出面其他牛肉公仔麵，軟淋淋！而且湯底都好有驚喜，味道適中！麵底喺家庭裝嘅「一丁」，煮得啱啱好熟，唔太淋，又唔太硬！依塊厚多士真喺絕對唔多事，一咬落去個吓，啲牛油吱哂出嚟，真喺幾好食！如果真喺要挑釁喺啲炒蛋無預期中咁好食，但總體上都係一流嘅水準！