錦麗 (又一城)

營業中

休息中

第一次食，位於又一城food court位置。座位偏小，可能因為佢一個地方分開做三間嘢。但係因為佢係卡位，坐落就非常舒服。咁去得錦麗，梗係要試下佢個牛肉粉。叫咗個錦麗生牛肉粉，同埋一個香茅煎蛋豬扒飯。因為我唔食太生嘅牛肉所以放咗喺個湯度浸咗浸，浸到變左色就食。依然係入口即溶，牛肉味就爭少少。但係連埋啲粉一齊食，再加埋鮮甜嘅湯汁，成個味道同感覺非常夾。會令你一啖又一啖咁食落去。至於個香茅煎蛋豬扒飯，感覺個香茅差少少，唔夠香。然後個豬扒好似炸太耐，啲肉有少少實。Overall感覺差少少。總括嚟講，佢個牛肉粉值得大家去試一試。香茅煎蛋豬扒飯就唔係太推薦。