香港魚蛋皇

營業中

休息中

收工肚餓又唔知食咩好，喺灣仔行下街之後見到香港仔魚蛋王就入咗去食啦，本身諗住醫下肚，殊不知入邊嘢食原來都幾好味。入到去我叫咗一個鮑魚肉碎豪仔粥，同埋一份淨牛筋。兩樣都係我自己最中意食。入到去姐姐主動問落得單未，肚餓既我緊係即刻落左單先。嘢食上得都快，粥要即滾就無可避免，但食住牛筋等完全唔覺得耐。先講下牛筋，牛筋煮得好入味同好淋。分量來講自己一個食都算好多，最後食都食唔晒。個人來講覺得偏少少鹹，送埋粥食真係一流。之後到個粥，粥係非常之多料，蠔仔就咁數都已經有十幾廿隻。食落仲要好鮮甜。配埋蔥花真係非常正。