風雲丸 (已結業)

朝早迫完書展，買左唔少戰利品，行到腳都幾攰，出黎之後都要食小小野。之前上網有睇過依間餐廳話免費任添沾面，所以一於就黎試下。 黎到已經四點，但入面仲好多人食緊。等一等既時候見到原來門口旁邊有茶水比人飲，就算要等位都有茶飲，都幾窩心。 坐低睇下menu同餐牌，原來佢地有期間限定既沾面，包括鮮牛油忌廉魚介沾面，同埋特濃山椒魚干沾面，不過第一次食都係決定食超濃厚豚骨魚介沾面。 我地叫左特盛（400G 沾面）同埋加12蚊要味玉，咁就同朋友一人一隻流心蛋 個湯黎到既時候仲好滾，出哂煙，食落去既時候真係有好濃既魚味，但又唔會太咸。 其實我平時比較少食沾面，覺得沾面係比較硬，但係佢既沾面煮過之後，就比較淋，軟硬適中，唔會咬到牙胶軟。而且我地兩個人share 一個面，400G既沾面，都好夠食，好難想像一個人如果食800G以上會係咩效果，真係要大胃王先食到XD。 個叉燒都好好味，係半肥瘦，咁先唔會太韌，但又唔會好似D豚角咁太多肥肉。拎紙巾既時候見到紙巾盒原來有介紹D 叉燒，話係用豚肉用低溫慢火煮超過十個鐘，再用火燒下佢。 個蛋都好正，真流心。 另外，我地亦叫左小食 沙律醬唐揚炸雞 有8塊炸雞，新鮮炸，擺上