影片
更多
2019-04-21
47 瀏覽
屯門紅橋呢頭出名多野食，今日同朋友食完晚飯，未夠喉就係附近行下搵下有咩甜品食下，行下行下搵到呢間甜品鋪，淡色的設計加上出於好奇心就入去坐低。店內擺設非常簡潔，坐落唔會太逼，同員工傾計得知餐廳老闆係台灣人。菜單上款式超多，賣相吸引。Oreo 起司蛋糕賣相同menu上一樣咁吸引，入面係朱古力流心，上面鋪滿左Oreo碎碎。口感豐富，甜到入心。灸燒焦糖布蕾麻薯窩夫上面舖滿一層融化既焦糖，味道非常濃郁，而本身窩夫味道較淡，所以兩者一齊食非常配合。我哋仲每人叫咗一杯飲料，分別係愛芒芝芝，藍。蝶豆花玫瑰荔枝梳打同綜合水果茶（由左至右排序）。愛芒芝芝上層芝士奶蓋味道濃郁，芝士味突出，芒果肉好多，值得一試，不過味道較甜，如果唔鐘意太甜可以叫少糖。藍。蝶豆花玫瑰荔枝梳打顏色充滿少女心，味道清新，有層次感。綜合水果茶飲落啖啖果肉，同樣清新，食完甜品飲番杯一流。豆腐雪糕充滿香濃豆腐味，食完太甜既食物再食豆腐雪糕可以中和甜味，值得一試。海鹽雪糕味道有新鮮感。最後以鹽酥雞和花枝丸作結，花枝丸有咬口，過左一段時間仍然熱辣辣。鹽酥雞外層鬆脆可口，肉質嫩滑。今晚好似食咗個甜品宴，非常滿足，整體上食物款式選擇頗多，飲品具
店內擺設非常簡潔，坐落唔會太逼，同員工傾計得知餐廳老闆係台灣人。菜單上款式超多，賣相吸引。
Oreo 起司蛋糕賣相同menu上一樣咁吸引，入面係朱古力流心，上面鋪滿左Oreo碎碎。口感豐富，甜到入心。
灸燒焦糖布蕾麻薯窩夫上面舖滿一層融化既焦糖，味道非常濃郁，而本身窩夫味道較淡，所以兩者一齊食非常配合。
我哋仲每人叫咗一杯飲料，分別係愛芒芝芝，藍。蝶豆花玫瑰荔枝梳打同綜合水果茶（由左至右排序）。
愛芒芝芝上層芝士奶蓋味道濃郁，芝士味突出，芒果肉好多，值得一試，不過味道較甜，如果唔鐘意太甜可以叫少糖。
藍。蝶豆花玫瑰荔枝梳打顏色充滿少女心，味道清新，有層次感。
綜合水果茶飲落啖啖果肉，同樣清新，食完甜品飲番杯一流。
豆腐雪糕充滿香濃豆腐味，食完太甜既食物再食豆腐雪糕可以中和甜味，值得一試。海鹽雪糕味道有新鮮感。
最後以鹽酥雞和花枝丸作結，花枝丸有咬口，過左一段時間仍然熱辣辣。鹽酥雞外層鬆脆可口，肉質嫩滑。
今晚好似食咗個甜品宴，非常滿足，整體上食物款式選擇頗多，飲品具特色。住屯門嘅朋友仔一定不能錯過。
張貼
