恆達油渣麵

營業中

休息中

呢間油麻地名物聽就聽咗好耐今次第一次幫襯，地方細得驚人，只有一張四人圓枱，再加長條枱類似吧檯位五至六個，不過佢入面啲餸就認真兼抽，除咗見到有大大隻嘅鹽焗蟹同花螺，當然仲有佢嘅招牌老火湯，聽講日日唔同款，足料到爆，今日呢一碗係花膠石崇魚豬骨湯，個湯又香又濃，材料足火候足，淨係睇啲湯渣就知啲料有幾堅，完全冇味精無添加，呢碗係細size，已35蚊一碗呢個價錢真係冇得輸。呢度另一個招牌菜係豬油渣麵，今日食咗嘢所以冇空間食多一碗麵，下次會嚟再試埋佢。