一條腸粉 (已結業)

今次出到嚟旺角，一落巴士就係巴士站嘅附近見到呢間一條腸粉，有腸粉同點心食，就心郁郁想入去試下首先叫左佢地嘅招牌潮式腸粉，我地今次揀左加蝦米同叉燒，佢地嘅腸粉好滑，好軟熟，豉油味同腸粉夾得好好，唔係一般嘅味道，真係要試過先感受到，另外亦都要讚下佢嘅叉燒，肥瘦適中，又切得細細粒，唔似某一d酒樓咁大大舊，好難入口，腸粉真係100 分！跟住仲叫左一d特色飯，有豬油渣飯，同埋東坡肉飯，每個飯都會配上紫菜湯，減低油膩感，好周到，先講豬油渣飯，豉油味同豬油撈飯簡直係天衣無縫，仲有脆脆地嘅豬油渣配上，口感好好，東坡肉飯嘅味道亦唔錯，肉質都幾好最後仲叫左個鵪鶉蛋燒賣，細細粒鵪鶉蛋咁係入面，好有特色，燒賣都蒸得唔錯！