閨•家 (西九龍中心) (已結業)

忙完一日，係附近玩具街搵完玩具，梗係過黎食返啲住家飯。播嘅歌都比較舊，相信八十後九十後都會即時浮現讀書時期嘅回憶。老火湯味道十足，飲完唔口乾，甜味夠出，好好飲！沙薑汁吸引，但手撕雞唔算特別出色。看似普通嘅鹹魚煎肉餅飯反而有驚喜，味道突出，煎完之後好香！另外必須一提佢嘅白飯。我平時好怕街外食飯，餐廳好多時都會落多左水，煮爛晒⋯但呢兩個飯唔爛，軟硬適中，似有用心煮飯，真係有家嘅感覺。