雞翼山 (已結業)

跟朋友約定，每隔個星期去行一次山，過一個健康的暑假。但我今日偷偷地撇開行山友，同一班大食朋友去行了另外一個山，哈哈，就是黃埔的新開小店 - - - 「雞翼山」！Menu簡簡單單，有三種不同的套餐；4隻、6隻、16隻雞翼，任君選擇。朋友們想試多幾款不同口味，所以今次大多點了細Size的4,6隻雞翼。人多真的好辦事，一口氣食真的吃了很多雞翼！文清風玫瑰雞翼、我係鹹檸七雞翼、熱情果寶寶雞翼、港式避風塘蒜香雞翼、濃味三重芝士劉雞翼、檸香山葵蟹籽雞翼、和風濃口味噌雞翼。我自己特別喜歡「我係鹹檸七雞翼」，別看他其貌不揚，普普通通，其實每隻雞翼都由7-up煮成的醬汁四方八面的包圍，加上咸檸的濃郁點綴，酸酸甜甜非常過癮，是一個喜出望外的新奇味道。而招牌點題作，文青風玫瑰雞翼當然如相片一樣，好吃又好看。每隻雞翼都沾滿玫瑰糖漿，加上一瓣一瓣的玫瑰花瓣，味覺視覺嗅覺都被召喚起來，絕對沒有欺場。另外一款我覺得值得一試的是「檸香山葵蟹籽雞翼」，脆卜卜的炸雞翼外面，鋪上一層層Wasabi醬汁，Topping更有粒粒蟹籽，完全是和風味道。有層次之餘，辣辣地很惹味，也中和了雞翼的油炸感，甚是喜歡。