影片
更多
2021-10-18
18 瀏覽
近日天氣開始涼返小小，緊係要打返個邊爐。比起日式或者任食火鍋，我更鍾情於港式style 自己點。 👍🏻湯底當日叫左個鴛鴦湯 : 冬陰功同芫荽皮蛋，一濃一淡中和返。先講芫荽皮蛋，十分清甜之餘仲好足料，啖啖皮蛋，豆腐粒係湯頭。冬陰功味道唔會太酸太辣，易入口既同時食落都唔會話太油膩，仲越滾越濃郁添。👍🏻招牌鮮牛三色（牛頸脊、手切牛、牛胸油）一個拼盤有哂三款高尚牛肉，色澤鮮紅，每片都新鮮切起，厚薄均一，手切牛既牛脂分布平均，淥10幾秒就可以食，入口好嫩好軟淋，牛胸油即係牛白肉，食落去爽口且帶幾分油脂感。👍🏻蝦丸拼墨魚手打丸真係特別爽口，蝦丸墨魚入面都貨真價實，有粒粒蝦肉同墨魚肉，夠哂口感。👍🏻即炸響鈴一道打邊爐必點既菜式，自家製既響鈴色澤淡黃，外皮已經睇得出係剛剛鮮炸上台，放入冬陰功湯底，入口即刻有種頂癮感，食落脆香可口。👍🏻新鮮黑柏葉新鮮既黑柏葉淥10秒就食得，入口爽脆易咬，點上自己既醬汁更是滋味無比。👍🏻鮮萵筍$38另一樣小編打邊爐必點既指定菜式，放入煲底滾一滾就已經十分鮮甜，順便清一清濃烈既味道。（唔知你鍾意食爽口啲定淋啲呢？）👍🏻👍🏻餐廳座位十分闊落，坐得好舒服！下次一定會約埋一大班朋
近日天氣開始涼返小小，緊係要打返個邊爐。比起日式或者任食火鍋，我更鍾情於港式style 自己點。
👍🏻湯底
當日叫左個鴛鴦湯 : 冬陰功同芫荽皮蛋，一濃一淡中和返。先講芫荽皮蛋，十分清甜之餘仲好足料，啖啖皮蛋，豆腐粒係湯頭。冬陰功味道唔會太酸太辣，易入口既同時食落都唔會話太油膩，仲越滾越濃郁添。
👍🏻招牌鮮牛三色（牛頸脊、手切牛、牛胸油）
一個拼盤有哂三款高尚牛肉，色澤鮮紅，每片都新鮮切起，厚薄均一，手切牛既牛脂分布平均，淥10幾秒就可以食，入口好嫩好軟淋，牛胸油即係牛白肉，食落去爽口且帶幾分油脂感。
👍🏻蝦丸拼墨魚
手打丸真係特別爽口，蝦丸墨魚入面都貨真價實，有粒粒蝦肉同墨魚肉，夠哂口感。
👍🏻即炸響鈴
一道打邊爐必點既菜式，自家製既響鈴色澤淡黃，外皮已經睇得出係剛剛鮮炸上台，放入冬陰功湯底，入口即刻有種頂癮感，食落脆香可口。
👍🏻新鮮黑柏葉
新鮮既黑柏葉淥10秒就食得，入口爽脆易咬，點上自己既醬汁更是滋味無比。
👍🏻鮮萵筍$38
另一樣小編打邊爐必點既指定菜式，放入煲底滾一滾就已經十分鮮甜，順便清一清濃烈既味道。（唔知你鍾意食爽口啲定淋啲呢？）
👍🏻👍🏻餐廳座位十分闊落，坐得好舒服！下次一定會約埋一大班朋友過嚟再打過！
張貼
