影片
更多
2021-04-01
606 瀏覽
環境入到去 環境呢就就真係唔錯 裝修風格上面有好過好多同類型嘅新式點心舖 詳細啲去講呢咁就冇咁快餐廳格局啦 最吸引嘅係牆上面有一塊塊牌仔用粉筆字寫咗有咩菜色 都幾特别 但係地方真係唔大 枱與枱之間都真係迫嘅 隔離枱去咗入去都爭啲撞到我哋張枱 當然出去都同一個問題 咁呢度都減少少分㗎喇 叫咗咩食我哋今次呢就嗌咗個：鮮蝦燒賣皇金錢肚鹹菜胡椒豬肚青紅蘿蔔豬肺湯馬拉糕藥膳雞腳菜心燒賣燒賣方面呢味道上就唔差嘅咁就係問題嚟喇 咁就係個蝦呢就真係比較少 平時出面嘅點心好燒賣同一隻蝦放上面 但係呢度嘅燒賣蝦就係一細細粒細細喇放喺個燒賣入面 咁呢就真係唔係好食得出味喇 而個皮呢就正到都爛爛地 唔知係咪我哋九點入去食咁就放咗啲嚟啦金錢肚金錢肚呢就唔算大碟 柱侯汁個味都好夠 好深色 但係就真係鹹咗少少啦 同埋下面得幾嚿芋頭墊 連蘿蔔都冇舊鹹菜胡椒豬肚嚟到呢都嚇一跳 因為佢用個透明兜裝住 呢款兜都真係得食甜品嘅時候見過 攞嚟裝豬肚㗎真係賣相麻麻啦 不過唔緊要食過好味些重點吖嘛 問題就係佢都真係唔係幾好味 鹹菜冇鹹味 胡椒冇胡椒味 簡單啲嚟講就係成兜嘢都唔香 都唔好期望佢會好似胡椒豬肚湯咁好飲啦 不過唯一好嘅
入到去 環境呢就就真係唔錯 裝修風格上面有好過好多同類型嘅新式點心舖 詳細啲去講呢咁就冇咁快餐廳格局啦 最吸引嘅係牆上面有一塊塊牌仔用粉筆字寫咗有咩菜色 都幾特别 但係地方真係唔大 枱與枱之間都真係迫嘅 隔離枱去咗入去都爭啲撞到我哋張枱 當然出去都同一個問題 咁呢度都減少少分㗎喇
叫咗咩食
我哋今次呢就嗌咗個：
鮮蝦燒賣皇
金錢肚
鹹菜胡椒豬肚
青紅蘿蔔豬肺湯
馬拉糕
藥膳雞腳
菜心
燒賣
燒賣方面呢味道上就唔差嘅咁就係問題嚟喇 咁就係個蝦呢就真係比較少 平時出面嘅點心好燒賣同一隻蝦放上面 但係呢度嘅燒賣蝦就係一細細粒細細喇放喺個燒賣入面 咁呢就真係唔係好食得出味喇 而個皮呢就正到都爛爛地 唔知係咪我哋九點入去食咁就放咗啲嚟啦
金錢肚
金錢肚呢就唔算大碟 柱侯汁個味都好夠 好深色 但係就真係鹹咗少少啦 同埋下面得幾嚿芋頭墊 連蘿蔔都冇舊
鹹菜胡椒豬肚
嚟到呢都嚇一跳 因為佢用個透明兜裝住 呢款兜都真係得食甜品嘅時候見過 攞嚟裝豬肚㗎真係賣相麻麻啦 不過唔緊要食過好味些重點吖嘛 問題就係佢都真係唔係幾好味 鹹菜冇鹹味 胡椒冇胡椒味 簡單啲嚟講就係成兜嘢都唔香 都唔好期望佢會好似胡椒豬肚湯咁好飲啦 不過唯一好嘅就係佢啲豬肚冇嗰啲腥味 不過你話使唔使呢度咪呢 個人認為你就唔需要喇
青紅蘿蔔豬肺湯
佢係一盅盅湯咁樣上枱 賣相同啱啱嘅豬肚就爭好遠 但係問題係佢嘅湯唔知係咪未落鹽啦 咁就好淡 同樣嘅問題就係雖然豬肺冇異味但係都冇乜豬肺味 好彩嘅佢啲紅蘿蔔都係甜冇乜渣
馬拉糕
佢呢度嘅馬拉糕唔同出面一大底 係一個一個咁樣入籠蒸嘅 味道上一般 鬆軟程度都唔係太特別優秀 眾觀嚟講可以食大唔算好好食
服務態度
好啦你見我冇講過藥膳雞腳 原因就係因為呢佢嗰日賣曬咁我係點樣知呢樣嘢嘅呢 就係個“女服務員”放低啲菜心嘅時候講嘅 態度都唔算好㗎啦 但係問題係 呢個“女服務員”連馬拉糕嘅「糕邊」佢都唔知係乜嘢 馬拉糕食糕邊是常識吧…
最大嘅問題係 個湯唔係話唔夠鹹嘅 咁就諗住叫“女服務員”睇下有冇鹽啦 「唔該 靚姐 有冇鹽呀？」 個“女服務員”即刻起曬鋼咁樣 「唔係阿姐呀！冇鹽呀！」 隔離枱個阿叔都笑笑口 咁我就心諗咁大間餐廳成個廚房點會連鹽都冇呢 即係我都未話你個湯未落鹽 你就已經喺度鬧我啦 問心你帶住cap帽又戴住口罩 生得唔高 年齡都應該係35以上40以下 正常我去茶餐廳大排檔酒樓 我見到呢個年齡層嘅“女服務員”都係嗌靚姐嘅 唔通我啱啱20歲就有叫你靚妹咩 咁呢度呢對我嚟講就真係大跌眼鏡啦
總結
你問我啲嘢好唔好食 我可以好肯定咁答你唔使特登去食 同時間服務質素呢一方面就真係跌曬分啦 所以我標題會講一生人一次 因為我真係唔會再入去食㗎喇
8 瀏覽
0 讚好
0 留言
7 瀏覽
0 讚好
0 留言
6 瀏覽
0 讚好
0 留言
10 瀏覽
0 讚好
0 留言
9 瀏覽
0 讚好
0 留言
張貼
