MOS Burger (已結業)

幾日前剛剛渡過左一個唔開心既三周年，係乜野三周年就唔多講喇，對呢度黎講只係廢話，非常巧合之下原來mos漢堡登陸香港都三周年，出左一個三周年記念漢堡，原價19蚊，但三周年頭三日優惠價10蚊一個，幾抵食又諗住應下景所以外賣一個，果陣下午四點幾，我一買完係店門口等既時間就有職員走出黎貼左圖中張紙，我好好彩嗎？最後一個都買倒，不過以我既心情，都唔多覺得有乜開心。講返個包，好簡單，牛肉漢堡加塊芝士，仲有洋蔥同埋醬汁，普普通通但可能又幾襯我當時既心情，係mos可以10蚊食倒個唔錯既包，我諗都難有下次，暗淡的心情中找到一點點喜悅