龍門冰室 (已結業)

接咗女友收工，因為琴晚係屋企打完邊爐，今晚就隨便食啲嘢啦，就喺銅鑼灣試吓新茶記😁經過幾次龍門冰室都未試過，今晚就係你喇😏個門口真係好殺食，真係有一登龍門嘅感覺😂門口姐姐好有禮貌，帶我地入去坐低之後叫我地慢慢睇餐牌，茶餐廳入面環境好得意，唔知點解會有Iron Man幅畫🤣睇咗一陣，女友食all day breakfast ，我就要個晚餐雜扒餐🍽先來一個羅宋湯，蕃茄味濃，仲有好多雜菜食👍🏻凍檸茶有四片檸檬，童叟無欺👍🏻👍🏻主菜到啦，一大塊牛扒，大塊都出咗嗰啲邊，下面仲有雞扒、豬扒，同埋好多薯條，啱晒我呢啲食肉獸，坦白講我係食唔晒嘅...食晒3塊扒，薯條真係無能為力😅食鐵板餐最開心就係林啲汁落去嘅時候發出”咋咋”聲，真係爽皮😂跟餐仲有兩塊厚多士，我又鍾意食麵包，所以啪晒兩塊，牛油味濃，正👍🏻跟餐仲有個沙律，呢個沙律正到不得了，因為係我最愛嘅雜果沙律，加埋粟米冇得頂👏🏻👏🏻茶走少甜for女友的女友個all day breakfast 非常大堆頭，我一望就知出事，因為佢肯定食唔晒，所以俾咗一條腸、一片煙三文魚、半塊薯餅、一塊煙肉比我，又幾好味喎，同我糸酒店食冇乜分別😆今次肥唔肥屎人了...擺到一