龍門冰室 (已結業)

晚上大概8點9左右嚟到唔需要等位，叫咗一個瓏瓏雞煲同雞扒牛扒鐵板餐。個雞煲係用咗雞髀肉，味道都尚算可以，但都有進步空間因為都唔係太夠香同埋辣，份量一個人其實就剛剛好。至於個鐵板餐牛扒夠晒林，雞扒都可以，薯菜嘅話佢哋係跟薯角有大量嘅甘筍仔，姐姐好好人仲跟咗少少飯俾我哋，不過等嘅時間都幾耐下。聽到隔離枱嘅牛仔骨等咗成個鐘，偷望到等咗成個鐘之後嚟到嘅牛仔骨係超級大煲😂😂😂好肯定兩個人都食唔晒，姐姐話臨收工會整晒去整多啲，所以通常份量都會多啲。小插曲，有一對情侶9點9入到黎，其實職員都好好人比佢哋入嚟叫嘢食，我估佢應該叫啲好複雜嘅嘢，廚房話做唔到...其實佢自己都唔會食得切囉🙄之後就喺舖頭度大噪大鬧，非常失禮。10點夠鐘所有人都要走，排隊俾錢嘅時候嘅時候，唯獨是佢哋兩個賴死唔肯走仲要慢慢食.....真.香港人係咁既咩？

之前見社交平台 佢老闆話告急，諗住支持下黃店。第一次嚟，點知真係中伏。一嚟已經安排喺走廊位出出入入，d 姐姐成張推車撞埋嚟，唔會講唔好意思。問可唔可以安排坐梳化位，一句唔客氣話你得兩個人唔俾，我見其他人都係梳化位得兩個人。咁都算啦，係咁催落單。嗌咗個dinner set，20 分鐘都未黎，朋友叫姐姐望吓係咪漏單，個姐姐話一定冇，攞係你張單望下就算。朋友話，冇人幫襯其實好正常。咁就明白點解要告急，服務態度太差，收費又唔係平。食物味道一般，餐牌好少嘢揀，我問姐姐係咪剩係得ABCD餐，佢都係話餐單上面得咁多。最趕客就係依班服務生。

銅鑼灣登龍街一向多野食落堂同朋友唔知食咩好就揀咗龍門今次係我第一次食真龍門冰室🤣🤣🤣揀咗個玉子燒餐下午茶$44 連埋凍野$47 叫咗個黑松露蘑菇芝士玉子燒黑松露味無乜蘑菇就勁多芝士就凍曬 變咗一舊舊佢仲包一碗粉本身叫咗雪菜米點知上黎既時候係窄菜米...不過唔緊要照食啦我啲米粉本身已經好多 最後先食佢會由一個米粉變成兩個半米粉係超級多 大食既人一定夠飽！個餐仲包半件多士揀咗花生醬同煉奶多士ok的 普普通通而杯奶茶唔算難飲係正常既茶記奶茶 可以一試總括黎講真係無我想像中咁難食普通茶記 但就中下至中間咁

幾個月無得堂食 今日終於出得黎食啦龍門多左好多煲仔菜 今次試咕嚕雞球煲先一入餐廳就聞到好香咕嚕味 梗係要試下啦咁 落左單 先送上好少嘅油菜五分鐘內咕嚕雞都到啦 熱辣辣出哂煙嘅 白飯一碗雞球都有5粒 菠蘿係罐頭 仲有啲洋蔥青椒啲洋蔥好大塊仲大過粒雞 味道方面 酸酸甜甜好開胃 份量黎講都夠 $69晚餐算唔錯

銅鑼灣午餐系列！只要你揀啱嘢食，其實佢唔難食😅龍門雖然退出黃圈，但都唔係藍，可以間中食下😬·✨3.6特濃牛乳芝士玉子燒常餐 $50簡單來講，就係常餐！但我想話佢係超有誠意嘅常餐！～唔係就咁火腿炒蛋/奄列，而係有好足料嘅黑松露雜菌芝士玉子燒，有菇菌包係入面，黑松露味就食唔太出啦，而玉子燒就唔係我想像中個回事，係奄列嘅樣，常餐嚟講好合理呀😆～吞拿魚芝士玉子燒都好正，吞拿魚係吞拿魚罐頭醬個種，份量好多，再加埋芝士，幾正🤤～辣肉醬芝士玉子燒應該係呢幾款比較普通嘅，份量唔多，亦都唔辣😬芝士都唔多～多士唔係就咁搽牛油就算，而可以揀煉奶/花生醬/果醬，我諗緊之際侍應姐姐話奶醬多啦，食落又ok喎🤤（跟住之後次次都叫奶醬多🤤）～叉燒意粉就大同小異，都係啲偏瘦嘅叉燒·✨咖喱汁魚柳焗意粉 $62賣相唔差，魚柳都大塊，開頭食落都唔錯，之後食到中段就開始唔夠汁撈了，啲汁係哂魚柳上面同埋索哂汁，而魚柳遮住嘅意粉就冇汁🙈所以食食下幾dry食唔哂🙈·🌟成日出story嘅龍門終於出post啦，以同區嚟講，常餐都係$50左右，但冇一間常餐嘅蛋同多士係有包餡嘅對比下，龍門常餐顯得格外有誠意👍🏻

終於唔洗排隊都可以食到龍門， 3點幾走黎食下午茶，上網大家過龍門有好有差， 今日黎試1試。榨菜肉絲米＋咸牛肉芝士玉子燒：榨菜肉絲係自家整， 但偏咸真係要飲多2啖水。玉子燒其實似奄列多d, 但有驚喜個咸牛肉味份量多加上半溶芝士冇得輸。炸豬扒薯條：炸豬扒上枱仲兜住d油， 未食都覺得油膩。豬扒唔會太細件， 都ok。炸薯條就冇咩特別啦。跟餐有飲品，粉麵套餐都係42蚊， 炸豬扒薯條要38蚊。感覺上叫粉麵反而仲抵d。lee到既位置比較狹窄， 真係細d都好難坐入卡位。

首先聲明，本人偏黃，若唔啱睇可以走先，never mind自修例以嚟，聽就聽得多，今日嚟開呢頭攪啲銀行嘢，之後行咗走附近幫小朋友找向日葵⋯⋯（九唔搭八一個馬蘭奴去找太陽花🙄）⋯⋯當然係抣唔到啦行去搭車返屋企見到呢間，睇推介不如食一次嘅心態就入咗去叫咗個鮮油奶多士餐加杯熱奶茶⋯⋯近幾年飲奶茶都無落白糖而係落咖啡糖，攪勻之後整啖先⋯可能座得耐，有少少「劫劫」地，但都有茶咪但唔算太出跟手上埋件鮮油奶多，塊多幾厚但唔算好熱，件油一般唔會係厚切同唔同係雪到好凍嗰隻，比想像中快溶始終，係杯奶茶爭啲⋯⋯⋯

老老實實，龍門嘅嘢食毁譽參半，但係我覺得佢嘅常餐水準穩定、選擇多、好味又飽肚，係我每次嚟龍門嘅必然選擇。　40幾蚊銅鑼灣食晏，有炒蛋、厚多士、叉燒米粉加嘢飲，其實真係超抵食。最鍾意嘅係可以改黎改去，都唔使另外加錢！今次叫咗個花生醬厚麵包，食完其實已經飽咗一半😅，所以清清地叫咗個滑滑炒蛋白，叉燒煙韌肥瘦適中，仲多到可以鋪滿成碗米粉🤪！最開心嘅，就係包埋杯唔需要另外加錢嘅cappuccino，夠香夠滑，大滿足！😋😋😋

野食唔錯，弊在個呀姐態度衰到 問佢洗手間喺邊 晦氣到爭佢錢咁老人家急起上黎 問聲你jei唔急都唔問你啦下嘛？早餐時間 人唔係多一定係阻住你傾偈喇支持黃店 但係要受氣嘅你仲去唔去？

現有四間分店的龍門冰室，以往如何支持同路人，相信不用提大家仍記憶猶新💛今天的重點放回食物品質上🧐以往常常聽到不同人就冰室的餐飲難以入口，所以小編今天專程到冰室一嚐究竟🤫#巨切鴨胸炒蛋一丁 $35鴨胸不過不失，只是有點乾身，而炒蛋鮮嫩有蛋汁😍一丁不是預先煮好的，上菜時麵條還有嚼口，不是軟得像漿糊一樣，屬於不錯的茶餐廳品質👍🏻味道小評分：😋😋😋😋/5#香煎雞排炸蝦飯 $35炸蝦🍤的炸粉十分薄身，不會整口也是粉漿，不過炸得偏乾身一點，而雞排竟然十分出色😲外皮香脆，而且保留了雞扒的肉汁😍味道小評分：😋😋😋😋/5🌟喜歡的話可以Like & Follow, 有你的支持是小編的動力🌟整體味道指數：👍🏻👍🏻👍🏻👍🏻/5性價比：💰💰💰💰/5環境：💕💕💕💕/5打卡指數：📸📸📸/5

很多人說龍門冰室很難食，可能是部分食物吧。是日午餐來試一下。食物：常餐有很多配搭鮮茄牛肉湯米線 份量細細碗，米線可以淋一點，蕃茄和牛肉都不算少，肉質ok,蕃茄和湯底偏酸一點，味道普通。玉子燒有4款，這次選擇了，吞拿魚芝士玉子燒，滿滿的吞拿魚很開心，配上蛋包住很好吃，推介多士可以揀奶醬/奶油/果占等，相信這些應該很大路，不會難食，果醬多士份量比較少，得中間少許醬，旁邊是乾面包多士，多醬更好。茶皇奶茶，很香滑好飲整體而言，不算難食，玉子燒好食😋但可能人手不足，服務可改善。

今日去左銅鑼灣行街街。。又諗唔到食乜野好 行行下見到有龍門冰室 其實我就未食過 但佢咁出名 咁我就膽粗粗走入去試試佢 一入到去 見到個檯面勁多防疫設備 有消毒酒精 口罩袋 一應俱全 係呢個抗疫的時候 有齊哂呢d用品 對我地黎講真係十分之方便 好啦 咁睇左個menu之後都有好多野食 焗飯 意粉咩都有 咁我就揀左最熱門的常餐黎試 整體黎講 以$37蚊既價錢 食到以下呢幾樣野 CP值都幾高 由其是佢既份量都幾大 女仔的話 有可能都未必食得哂 如果下次去開cwb 我諗都會再去食

最近掀起一片風潮，梗係約埋老闆（其實佢想食一蘭，不過比我夾左過嚟）支持小店舔盡光環㗎啦！呢間龍門冰室都算高調啦，一於就揀呢間啦！本身對排隊食係有啲抗拒嘅，不過為咗香港嘅將來冇辦法啦，等左一段時間終於入到去食啦，係超多人嘅都好彩有卡位坐下，不過一坐就坐左5分鐘因為完全冇人理嘅，之後有人過嚟睬吓你又要等幾分鐘先至落到單，不過我哋都好彩㗎啦，隔離枱要杯水要等5分鐘跟住唔知10幾分鐘之後仲要落錯單搞到冇嘢食咁好啦其實要點乜都話冇嘅（我食咗幾十年嘅沙嗲牛麵要同佢告別一晚）點左一個吉列豬扒公仔麵跟番茄湯，有個炒蛋同埋果占多嘅，跟住一客蜜糖雞翼首先講吓個蜜糖雞翼，好特別，特別鹹嘅你點會諗到蜜糖係可以喊嘅？真係犀利！炒蛋十成熟。。算數，果占多尚可吉列豬扒呢都算係咁啦中規中矩，個麵就大鑊啦！冇味㗎大佬！食咗兩啖睇住佢脹到意粉咁樣，完全食唔落。。食完仲好口乾添其實都算好彩喇。。對面兩個男仔叫咗咖喱牛腩飯，嗰啲咖喱係酸㗎！！真係豉油得來不易，香港人要好加油先得喇。。唔係真係唔知點樣將腐朽化為神奇老闆嘅評分，夥計9hea嘅程度絕對

有一天，去餐廳堂食，午餐，餐湯是一包東西，第一次見，心想咩料。雖然有點奇怪，但是味道又幾好。可能是想控制質素控制，成本很高啊。 焗咖哩豬扒飯，聲稱跟米X蓮師傅有關，果然重質不重量。焗，熱上；咖哩，味道幾好；豬扒，沒有驚喜；白飯份量偏少。 其實香港有幾多餐廳和幾多人，肯認衰，求改善？很少見。

好耐冇嚟過龍門冰室食嘢啦，如今疫情周圍都冇乜人出嚟食嘢，我梗係要來支持啦！一如既往既好服務，入們便感覺到店員對客人既用心交流，除咗有禮貌咁打招呼之外，更提醒我哋可以用枱上嘅紙袋裝口罩。上次黎食嗰陣冇晒黑松露，試唔到好想食嘅黑松露玉子燒，今次黎一定要試番😋3.6 特濃牛乳芝士玉子常餐$40可以有十選一既湯麵選擇，我就加$4揀左沙嗲牛肉黑蒜一丁，香濃既黑蒜味加強左沙嗲牛肉丁既惹味，正呀🤩🤩🤩除之外仲揀咗兩個鐵板餐，一個係星級雜扒薯菜配龍蝦汁，一個係至尊海鮮意粉配黑椒汁，兩份鐵板餐都好大份，啲材料好似要爆出個鐵板咁樣，另外更驚喜嘅係雜扒竟然有煙三文魚，果然夠晒星級。嘆埋杯3.6牛乳都係加$7咋😋大滿足