Orange Elephant Thai Restaurant (啟德道)

營業中

休息中

九龍城呢個地區係一個小泰國差唔多係眾所周知，呢度嘅泰國美食又多選擇又夠晒地道泰國味，其中有一兩間都係我成日會去，今日介紹返呢一間喺啟德道嘅orange elephant thai restaurant,呢間餐廳平靚正，通常我都會點個生蝦刺身，喺呢度個生蝦伴碟，除咗一般生蝦刺身嘅辣椒蒜頭之外，仲會有舊苦瓜，唔知有冇人同我一樣都鍾意生食苦瓜😂我唔知點解我我鍾意啲口感咁與別不同😂 唔係鍾意食辣就係苦😂😂😂青咖喱都好濃椰味，配上個脆口薄餅，又酥又香，其實冬陰功都唔錯嘅，不過嗰日已經食唔落其他嘢 蝦餅都唔錯，係自己打嘅蝦膠，份量就少啲，仲有個香料燒焗鯽魚，燒到剛剛好，仲保有魚嘅鮮味唔會燒好硬身，椰汁雞湯都非常重椰子味，一直都有幫襯呢間小店，質素一直都唔錯