芭堤雅泰國餐館

營業中

休息中

呢間泰國餐廳其實都幫襯過幾次，一直都幾有人氣，walk in 有可能要排隊，所以最好提早book定位。坐定店員就會比炸蝦片做前菜，會食到停唔到口。最最最推薦既係佢既五花腩串燒，肥得黎又有油香，少少脆邊，非常邪惡，不過真係要試👍🤤其次就係冬蔭功湯，酸酸辣辣夠哂開胃，一鍋夠4-5人飲架啦。菠蘿炒飯就次次都黎食，不過朋友仔就唔鍾意入面有提子乾，呢啲口味既野真係好個人，如果唔鍾意食嘅話最好落單時叫走提子乾。金邊粉就覺得普普通通，不過幾隻蝦都食落爽口。碎肉生菜包同埋通菜就真係一般般冇乜特別。