上海姥姥 (錦薈坊)

營業中

休息中

上海姥姥，真係一直都KEEP到佢既水準呀。我地叫左好幾個餸，首先，有小籠包，呢個係上海菜既名物，上海姥姥既小籠包皮唔厚但又唔會一夾就穿左，入面既餡同汁都可以緊緊鎖住。仲有叫左鍋貼，個皮都好有咬口好好食，入面既餡同汁亦都緊緊鎖住。仲有一個餸就係咕嚕魚塊，佢個咕嚕汁好夠味道，魚塊既份量都非常之多。主食方面就有個上海粗炒，炒得入味镬氣十足呀。最後緊係叫返個甜品雷沙湯丸作為晚餐既完美句號啦。美中不足就等位實在太耐啦，不過食好野又要付出時間既。