幸福班戟 (已結業)

成日見到啲friend係IG post幸福班戟嘅相話個班戟好好食，一直都好想試好耐，但無奈每一次經過嗰間餐廳嘅門口都大排長龍，就打消咗呢個念頭！今日就去行山，因為出發嘅時間都係12點左右，咁我都要11點就要食定個brunch先有力上山，就走去銅鑼灣間幸福班戟度碰下運氣睇吓使唔使排隊。一去到， lucky~~唔使排，就即刻衝入去試吓！我order左個幸福班戟。咁等咗3-4個字左右，個班戟就嚟啦！一放底，就聞到佢好香，賣相又好吸引！「我唔客氣啦！」一口咬落去超棉密超鬆化，好似食緊日式芝士蛋糕咁，仲有一股蛋香直衝入口，怪不得開咗咁多間分店同埋過咗咁耐都仲咁多人排隊啦！滿足完就要去行山消耗番啲卡路里啦！