小胖台灣便當 (豐怡中心) (已結業)

佢嘅魯肉飯一向保持水準，夠肥得黎，肥膏又入口即溶，肉身夠淋，一咬就化開，熱辣辣上，令到肥膏更溶住入口嘅感覺，加埋本身汁份量十足 好似好綴碗，但食落，份量都不少。五味醬拌茄子，無乜驚喜，佢因為爽身唔係煮到腍，都啱我口味嘅。加上醬，餸飯一流，有又膳食纖維，木魚夠香，配搭唔錯。梅香脆地瓜，個梅子下次叫佢加多少少，好鍾意酸酸話梅味好夾，同埋一黎到 個味勁香，攪到飽左都仲食左幾舊先收手同收口。佢跟餐個杯：百香Q困綠茶，其實有珍珠同椰果，呢2個配搭無得輸，有時唔想食咁多珍珠，配椰果中和下。加上佢造形吸引，我一眼就知道係佢啦！一見到，本來想食pizza居然即時轉軚了。點完餐，會由餐員送餐黎，介乎快餐同餐廳混合體。