定食 Doraya (駱克道)

營業中

休息中

這一間 @doraya.hk ，我唔敢叫佢做小店，因為原來總共有3間分店。朋友介紹十幾年前已經來過，覺得很好，只是不十分就腳(我比較少來銅鑼灣這一邊)，等到今日先有機會來幫襯。這店以"藍鰭吞拿魚"專門店為招牌，其實我不十分懂「藍鰭」和普通吞拿魚的分別，聽過咁多，應該是高等魚獲吧。點講都好，講到食一碗高質素的魚生飯，來這裡肯定無錯。今餐我就是點了他們的藍鰭吞拿魚丼，這一碗丼給我的滿足程度，比起好多所謂高質omakase，完全KO，非常好味！當然，不能夠用一碗丼跟一餐廚師發辦去互相比較，但食飯都係為好味，與其畀五六七百蚊食一餐普普通通的omakase lunch，我寧願來這裡兩百蚊食一碗高質丼。另外點了一份燒油甘魚鮫，這店是用西京燒的方法做，銀雪魚西京燒就食得多，油甘魚鮫西京燒我還真是第一次食，非常肥美香滑，一流！值得一提，銅鑼灣店開到凌晨12:30am(之前開到2am!)，雖然現在的我不再是夜遊人，對我來說，這才是香港的食肆精神！超級贊！我肯定會再來！再來！再再再來！