英記美點小食 (已結業)

今日中午同朋友去到英記食麵，間舖細細哋，朋友極力推介餛吞同水餃。餛吞夠爽口，水餃中嘅木耳絲，同蝦、肉夾到正，係大大隻又好味。最正嘅係麵質，又爽又滑。湯底鮮甜，唔係味精水，老公話可以食出大地魚味添。唔怪得佢嘅撈麵附送的湯，全部俾佢飲晒了。$43套餐（一餸湯麵+油菜+凍飲）撈麵麵底有兩個麵餅嘅多，胃口大嘅男人先食得晒。今次牛腩好瘦，勝在夠味。忘記影佢哋嘅酸蘿蔔，爽，但嫌太酸。牆上可見小儀嘅相，同食評。店舖阿姐都笑笑口同客人打招呼。