蔦 (已結業)

今日又到尖沙咀shopping, 想買一個輕身容量大既👜手袋。11點到海港城, 無咩可以選擇因為餐廳多數都要12點先開。所以就揀左呢間11點開同位置非常方便既蔦。我地點左醬油叉燒拉麵, 豚骨味玉拉麵同一罐可樂。醬油叉燒拉麵 - 我地本身都比較喜歡豬骨湯底既日式拉麵, 但見餐牌寫到醬油湯底係佢地既招牌所以其中一碗就點左醬油拉麵。侍應將拉麵送到面前, 第一啖當然要試下佢地既招牌湯底, 嗯....點講好呢, 我地都一致認為好似飲緊有松露醬味道既中式煲湯咁, 而重點係我地都覺得傳統中式煲湯仲要好飲D, 層次仲要比呢碗醬油湯底豐富D。豚骨味玉拉麵 - 豚骨湯底比醬油湯底好味, 跟我較早前食過既霸嗎拉麵差不多既質素, 味道正常, 不甚濃郁, 比起我近期最愛的熊拉麵湯底就差得遠。叉燒也是正常表現, 普通。味玉唔得, 煮得耐左, 唔流心。蔦係我近呢半年食過價錢最貴💰既拉麵, 但味道平平亦欠缺特色。