本味食堂 (已結業)

嘢食質素差到一個點。魚蛋似足橡膠，龍蝦丸腍到唔知食緊咩，以為叫金菇實冇死啦，結果啲金菇好似未煮過咁，咬都咬唔斷。念在係黃店，而且啲冬菇同溏心蛋算係咁，所以幫襯咗幾次。結果今次食食下，一睇，發現有塊牛筋上面黐左條眼睫毛。當場有啲反胃，然後再定睛睇下其他嘅餸，竟然畀我搵到成三條（十成九仲有遺漏）。老實講都知車仔麵唔會乾淨成點，但係至少眼不見為淨。實在接受唔到食人哋啲眼睫毛落肚lor。以後都唔會再幫襯，完。