一粥麵 (長發廣場)

營業中

休息中

口淡淡想食碗粥，老婆又想打邊爐，就黎左一粥麵，叫左碗碎牛粥，真係新鮮滾熱辣，價錢平，就算高檔少少魚腩粥都係四十蚊有交易，難怪晚巿咁多街坊撐場！粥底夠綿滑，碎牛夠碎，貨真價實童叟無欺，隨粥附送的「牛肉腸」真係「求奇」左少少，啲牛肉「隨機擺放」响條粉皮之上，同心目中的「牛肉腸」有一段距離，無他嘅，要捲返啲牛肉入條腸度俾多廿蚊人工囉！想通了就不再介意，於自己條腸內進行二次融合吧！火鍋黎講自私鍋一個，酸菜魚湯夠醒胃，肥牛素質拍得住「吉野家」咁上下，平平地單人鍋收曬貨囉！要幫貧苦大眾對抗猛如虎的通脹「一碗麵」一定係你其中一個選擇！