臻味豬扒酸辣米線

營業中

休息中

嚟到牛頭角，如果問我有邊間餐廳係我畢生難忘嘅，呢間臻味豬扒米線，一定係我心目中嘅心水。中學嘅時候喺觀塘道上面嘅學校讀書，放中午飯嘅時候一定會同同學鬥快跑到落嚟山下面嘅米線餐廳當我哋上次唔接下氣嘅時候，老闆就會即刻為我哋遞上幾杯水，人情味已經滿分。以前驚食唔飽，一定會嗌套餐。「牛脷米線辣分上凍檸水少冰」呢一句比老師早晨更流利嘅說話，我諗呢世都唔會忘記。第一次食到咁飽，同埋好難得會配埋花生，酸辣一齊食，中學嗰時做完運動食一碗真係特別開胃。希望佢長做長有，以後我仲可以繼續嚟呢度食飯