十三姨 (白加士街)

營業中

休息中

見舖名似酸菜魚料理；見門面啲餐相又似日式拉麵；見門面字眼又標榜香港人風味；入到去坐低見侍者捧咗個高身金屬碗裝住啲三色蝦片，又似馬來嘢……唔怪得之話香港人口味，皆因香港人口味就係如此聯合國！嘢飲有忌廉溝鮮奶，我真係唔敢嗌……於是乎要咗杯岩鹽柚子雪碧，成樽即磨粉紅岩鹽任你自己加，汽水底加咗柚子蜜，成個配搭幾夾。叫咗「十三飛」。驟眼睇似日式拉麵，因有半隻疑似溏心蛋，但有兩束芋絲又好馬來風，生牛肉又偏越南feel。好奇轉咗做翠瓜麵底，以為係用翠玉瓜榨汁磨成嘅麵條，原來係切得極幼又未斷嘅翠玉瓜絲伴隨麵條，再糾纏住大撮銀芽，雖然係湯麵，但天口㷫食番啲瓜送麵又幾清爽，另外牛肩胛雖然份量唔多不過好濃重牛香湧喉嚨頂，食質不食量。侍應示意我右邊有樽辣椒油，初時唔明佢點解要刻意提醒，一開原來唔係普通紅椒，用咗青色椒，落咗幾粒落碗麵，反而冇咩辣味。將枱面嗰碗三色蝦片蘸麵湯食，味道又幾好。「椒鹽魷魚鬚」難得係似番兒時係茶樓食嗰種類似台式鹽酥嘅炸法，脆漿剛好唔會過厚，但落鹽就真係重手咗，點極喼汁都唔會減到鹹。大部分枱都比較有獨立空間，唯一係舖面最入有兩張背對背四人「卡位」比較怪，中間冇椅背冇隔板，好懷疑要同人背脊