PizzaExpress (新城市廣場一期)

營業中

休息中

今次係Walk in所以就等咗一陣間，啲待應好快都安排到有位俾我哋入。 咁一開始就點咗佢推介嘅麵包球 ，佢有兩個醬(鹽牛油、秘製唔知咩醬汁)麵包球好鬆軟，咬落去煙韌，同埋佢係即叫即焗，所以食嘅時候都熱辣辣。本人就鍾意鹽牛油，食落去有一種鹹香味道。然後又叫咗雞翼，雞翼同遇上之中一樣咁好食。除咗不得不讚係熱辣辣之外，個味道有種蒜香同燒烤嘅味道，而醬料都非常之入味。呢個十分推介。以佢嘅千層麵，同肉醬意粉嘅味道差唔多。但佢嘅面做得好薄，所以吸收到好多肉醬嘅味道。配搭起嚟都唔錯食。跟住當然叫咗佢招牌嘅Pizza，個Pizza味道好特別，但係有少少辣。我朋友就可能覺得非常之辣，所以可能叫嘅時候要留意自己能唔能夠接受到辣。醬汁除咗有番茄醬之外仲有一層辣椒醬，呢兩種配搭係普通Pizza冇嘅味道。再加上佢個Pizza嘅皮係非常之薄，都好考驗師傅嘅功力。加上火候控制得幾好所以食落去嘅時候焦焦脆脆又唔會話有燶味睇嚟講餐廳嘅食物都好好，Pizza可能就要視乎你食唔食得辣再叫。