影片
更多
2022-10-09
1326 瀏覽
一聽到熊本牛鍋，仲以為係食日式火鍋Shabu Shabu，但原來熊本牛鍋嘅日式火鍋放題，竟然有海鮮雞煲提供，你話過唔過癮先？熊本牛鍋位於尖沙咀山林道，選擇雞煲套餐仲可以任飲任食3個鐘，加上坐得舒服，可以約埋成班朋友慢慢嘆！海鮮雞煲呢度嘅海鮮雞煲非常豐富，除咗雞件之外，仲有蝦、蜆肉、鮑魚，同埋竟然有蕃薯？原本以為味道偏甜嘅蕃薯出現喺雞煲一定好奇怪，點知一試難忘，蕃薯有黃心同紫心兩種，蕃薯十分軟身，口感軟綿，而且好清甜，加上雞煲嘅辣味，簡直係味蕾嘅一大衝擊，非常入味，我哋最尾真係爭住食。至於海鮮份量都算多，而且非常新鮮，我就最鍾意爽口彈牙嘅鮑魚喇！肉類選擇食完雞煲可以加湯打邊爐，任飲任食套餐嘅肉類選擇包括即場機切嘅美國牛小排、牛肩脊同埋豬肉片。牛小排就比較肥美，而牛肩脊就比較有肉味。建議大家可以每款都叫一碟試吓先，再根據自己口味去encore！火鍋配料自取區除咗蔬菜同肉丸呢類常見嘅火鍋配料之外，比較特別嘅配料有羽衣甘藍、鯛魚片等，火鍋配料選擇超過30款，真係花多眼亂呀！熊本牛鍋竟然有得食雲吞麵，絕對係我哋嘅私心推介！雲吞大大料，非常足料彈牙，麵底仲有粗麵同幼麵兩款選擇，粗麵麵條非常彈口，有
海鮮雞煲
呢度嘅海鮮雞煲非常豐富，除咗雞件之外，仲有蝦、蜆肉、鮑魚，同埋竟然有蕃薯？原本以為味道偏甜嘅蕃薯出現喺雞煲一定好奇怪，點知一試難忘，蕃薯有黃心同紫心兩種，蕃薯十分軟身，口感軟綿，而且好清甜，加上雞煲嘅辣味，簡直係味蕾嘅一大衝擊，非常入味，我哋最尾真係爭住食。至於海鮮份量都算多，而且非常新鮮，我就最鍾意爽口彈牙嘅鮑魚喇！
肉類選擇
食完雞煲可以加湯打邊爐，任飲任食套餐嘅肉類選擇包括即場機切嘅美國牛小排、牛肩脊同埋豬肉片。牛小排就比較肥美，而牛肩脊就比較有肉味。建議大家可以每款都叫一碟試吓先，再根據自己口味去encore！
火鍋配料
自取區除咗蔬菜同肉丸呢類常見嘅火鍋配料之外，比較特別嘅配料有羽衣甘藍、鯛魚片等，火鍋配料選擇超過30款，真係花多眼亂呀！熊本牛鍋竟然有得食雲吞麵，絕對係我哋嘅私心推介！雲吞大大料，非常足料彈牙，麵底仲有粗麵同幼麵兩款選擇，粗麵麵條非常彈口，有蛋味，估唔到食到飽飽，都可以KO曬成個麵餅呀！
飲品
我哋真係數過，熊本牛鍋提供嘅飲品有多達22款，當中包括有台灣直送嘅冬瓜茶，消暑解渴。另外，有時打邊爐少不免會飲多兩罐汽水，怕肥嘅大家黎到呢度就唔怕，因為呢度有零卡路里嘅青檸梳打提供。仲有其他啤酒、汽水，任君選擇。
張貼
