壹級日本料理 (已結業)

我的其中一位好朋友因為前陣子終於搵到佢心目中的最愛，所以我哋戥佢開心，結果就到了男家附近一齊慶祝一番，最重要就是找了對的人、亦找了對的食物。今次這間日本餐廳食物種類都非常多選擇，最重要就是性價比真係非常之高。忌廉蟹肉薯餅($18/2件)呢個薯餅真係唔講得少，薯餅表現非常金黃香脆，但內裡卻相當軟滑仲有丁點忌廉香味，加埋沙律醬一齊食真係無得輸。香芒龍蝦沙律呢個沙律份量亦都幾多，單看芒果份量已經好多，最重要就係芒果沒有酸味而且帶有清甜，加埋新鮮嘅沙律菜、龍蝦肉一齊食清新感十足。明太子手羽($48/2隻)師傅燒手羽燒得剛剛好，表面仍然金黃香脆，咬落去除咗係飽滿嘅明太子之外內裏嘅雞翼唔會乾身真係送酒一流。燒魷魚筒由於魷魚非常新鮮，同埋燒出來火喉剛剛好唔會乾身，所以食落去已經亦非常之軟熟，加埋檸檬汁非常惹味。鰻魚炒飯最後當然唔少得叫多一個鰻魚炒飯食啦，炒飯飯粒分明而且內裏嘅鰻魚亦都好肥美，加埋醬油嘅調味，每食一啖飯都覺得非常滿足。