影片
更多
2014-03-27
3834 瀏覽
今日午餐由於要見重要客戶兼老朋友既關係, 要搵一間好坐, 有質素又有私人空間的餐廳, 經朋友介紹下終於揀左雪舟我地一行三人. 我自己就要左份商務午餐, 朋友就分別點左兩份鐵板燒午餐茶碗蒸，日式蒸蛋。蛋彈滑唔在講，特別在配料有蟹柳，白果，橙皮，後兩者帶的少少甘，反而令蛋食落更甜刺身拼盤呑拿魚非常肥美，無一般刺身店的韌身，令一向唔好吞拿的朋友都讚不絕口。法國鵝肝配以黑醋醬汁，料理時已經好香，成間房都充斥住佢既香味，（抽氣系統絕對值得一讚！）食落口香而不膩。過往小弟食鵝肝都配以多士以防太滯，今次師傅配以新鮮蜜桃感覺都唔錯！南非鮑魚上台時仲同我say緊hello! 已經唔可以用新鮮黎形容，應該叫生猛！古人曰君子遠庖廚……可惜，民以食為天！面對如此食物，又點忍口呢…今次師傅用昆布襯托鮑魚好特別，因為昆布本身無味，所以雖然白酒牛油味道頗濃，但都唔會over。師傅控制火侯剛好，鮑魚肉質唔會太實或太林和牛胸內膜非常重牛味，第一次食好特別。師傅話係肋骨內膜既位置，所以位置會比較血紅，牛既味道會更濃，個人認為配以鹽作調味就最好，因為更加原汁原味！炒飯選用日本雪菜，並有鍋花米紙，上台好靚。日本珍珠米本身比較
我地一行三人. 我自己就要左份商務午餐, 朋友就分別點左兩份鐵板燒午餐
茶碗蒸，日式蒸蛋。蛋彈滑唔在講，特別在配料有蟹柳，白果，橙皮，後兩者帶的少少甘，反而令蛋食落更甜
刺身拼盤呑拿魚非常肥美，無一般刺身店的韌身，令一向唔好吞拿的朋友都讚不絕口。
法國鵝肝配以黑醋醬汁，料理時已經好香，成間房都充斥住佢既香味，（抽氣系統絕對值得一讚！）食落口香而不膩。過往小弟食鵝肝都配以多士以防太滯，今次師傅配以新鮮蜜桃感覺都唔錯！
南非鮑魚上台時仲同我say緊hello! 已經唔可以用新鮮黎形容，應該叫生猛！古人曰君子遠庖廚……可惜，民以食為天！面對如此食物，又點忍口呢…今次師傅用昆布襯托鮑魚好特別，因為昆布本身無味，所以雖然白酒牛油味道頗濃，但都唔會over。師傅控制火侯剛好，鮑魚肉質唔會太實或太林
和牛胸內膜非常重牛味，第一次食好特別。師傅話係肋骨內膜既位置，所以位置會比較血紅，牛既味道會更濃，個人認為配以鹽作調味就最好，因為更加原汁原味！
炒飯選用日本雪菜，並有鍋花米紙，上台好靚。日本珍珠米本身比較圓潤，吸水力強，所以炒出黎既飯唔會太過乾身又有彈性，不錯！
面豉湯
當中食到一粒粒既面豉，師傅話因為全部堅持自家磨制，並唔係粉開。
睇見朋友個鐵板餐都幾吸引, 希望下次有機會再試試啦! XDD
題外話/補充資料：
裝潢格調簡約, 空間感十足, 抽氣系統做得好好!
而師傅一邊料理一邊解說, 食之餘又了解多左食材, 料理既知識, 有野食有野學, 大滿足!!
(以上食評乃用戶個人意見 , 並不代表OpenRice之觀點。)
張貼
